Հոկտեմբերի 1-ին Եվրասիա միջազգային համալսարանում Իրավագիտության ամբիոնի նախաձեռնությամբ տեղի ունեցավ բաց դասախոսություն՝ «Ինչպե՞ս են AI գործիքները վերափոխում իրավաբանի աշխատանքը, բարձրացնում արդյունավետությունն ու բարդ կարգավորումները վերածում գործնական լուծումների» թեմայով։
Դասախոսությունը վարեց Արամ Հայդարցյանը՝ Արհեստական բանականության իրավունքի մասնագետ, «Բադասյան Քնսալթինգ» իրավական և հարկային խորհրդատվական ընկերության թիմի անդամ։
Հանդիպման ընթացքում անդրադարձ կատարվեց ժամանակակից իրավագիտության առջև ծառացած կարևորագույն հարցերից մեկին՝ արհեստական բանականության ազդեցությանը իրավունքի ոլորտի և իրավաբանի մասնագիտական գործունեության վրա։
Քննարկվեցին իրավաբանական աշխատանքում արհեստական բանականության գործիքների կիրառման հնարավորություններն ու առանձնահատկությունները, դրանց միջոցով մասնագիտական գործընթացների արդյունավետության բարձրացման հեռանկարները, ինչպես նաև AI-ի՝ որպես իրավաբանի աշխատանքը լրացնող և աջակցող տեխնոլոգիական գործիքի դերը։
Առանձնահատուկ ուշադրություն դարձվեց այն գաղափարին, որ արհեստական բանականության զարգացումը նոր գործիքներ է առաջարկում իրավաբանական գործունեության համար և պահանջում է վերաիմաստավորել իրավաբանի մասնագիտական հմտությունները, աշխատանքային մեթոդներն ու տեխնոլոգիական գրագիտությունը։
