Ծաղկաձորի ԵՊՀ հյուրատանը անցկացվեց «Միջազգային իրավունքի արդի հիմնախնդիրները» խորագրով միջբուհական ամառային դպրոցը:
Երրորդ տարին անընդմեջ կազմակերպվող միջոցառումը համախմբել էր Երևանի պետական համալսարանի, Եվրասիա միջազգային համալսարանի, մի շարք այլ համալսարանների, ինչպես նաև Շիրակի, Գավառի և Գորիսի պետական համալսարանների ակադեմիական ներկայացուցիչներին և ուսանողությանը։
Ամառային դպրոցի նպատակն էր նպաստել միջազգային իրավունքի ոլորտում երիտասարդ մասնագետների գիտելիքների խորացմանը, տեսական և գործնական հմտությունների զարգացմանը, ինչպես նաև միջբուհական համագործակցության և գիտական կապերի ամրապնդմանը։
Դպրոցի ավարտին մասնակիցներին հանձնվեցին դիպլոմներ, ակտիվ ներգրավվածության և ծրագրի շրջանակում իրականացրած աշխատանքի համար։
