Կենսաբազմազանության մասին կոնվենցիայի կողմերի 17-րդ համաժողովի (COP17), Կանաչ գոտու աշխատանքներին ակտիվորեն մասնակցում է Եվրասիա միջազգային համալսարանը՝ իր ակադեմիական համայնքի ներգրավվածությամբ։
Համաժողովի շրջանակում ՅՈՒՆԵՍԿՕ-ի և Ժան Մոնեի ամբիոնների ղեկավար Աննա Խվորոստիանկինան հանդես եկավ ելույթով՝ ներկայացնելով GreenPole նախագիծը և դրա շրջանակում իրականացվող աշխատանքները։ Նա ընդգծեց բնագիտական և հասարակագիտական ոլորտների, ինչպես նաև գիտության, իրավունքի, քաղաքականությունների և քաղաքական գործընթացների միջև համագործակցության և համակարգման կարևորությունը։
Հանդիպմանն հաջորդեց կենսաբազմազանությանը նվիրված աշխատարանը, ո րն անցկացվեց «Կենսաբազմազանության քոլեջ» խաղի ձևաչափով։ Խաղը վարեց ԵՄՀ Ժան Մոնեի ամառային դպրոցի շրջանավարտ Արթուր Կարապետյանը։
Եվրասիա միջազգային համալսարանը կարևորում է իր ակադեմիական համայնքի ակտիվ մասնակցությունը շրջակա միջավայրի պահպանության և կայուն զարգացման համաշխարհային օրակարգին՝ խթանելով գիտելիքի փոխանակումը, միջոլորտային համագործակցությունը և կայուն զարգացումը։
