Erasmus+ ծրագրի շրջանակներում Եվրասիա միջազգային համալսարանը հյուրընկալեց Պորտուգալիայի Տոմարի համալսարանի պատվիրակությանը՝ Տոմարի պոլիտեխնիկ համալսարանի փոխնախագահներ Նատերսիա Սանտուշին և Սելիո Գոնսալու Մարկեշին, ինչպես նաև պրոֆեսոր Պաուլա Ալմեյդային։
Այցի նպատակն է ամրապնդել երկու համալսարանների միջև համագործակցությունը, զարգացնել ակադեմիական շարժունությունը, խթանել փորձի փոխանակումը և քննարկել համատեղ կրթական ու գիտահետազոտական նախաձեռնությունների իրականացման նոր հնարավորությունները։
Մասնագիտական հանդիպումներից բացի, պատվիրակությունը հնարավորություն ունեցավ նաև բացահայտելու Հայաստանը՝ ծանոթանալով մեր երկրի հարուստ պատմամշակութային ժառանգությանը, ավանդույթներին և հյուրընկալությանը։
Վստահ ենք, որ այս այցը նոր խթան կհաղորդի միջազգային համագործակցության զարգացմանը, կամրապնդի երկու համալսարանների միջև ձևավորված գործընկերությունը և հիմք կդառնա ապագա համատեղ նախաձեռնությունների համար։
