Ուրախությամբ տեղեկացնում ենք, որ Եվրասիա միջազգային համալսարանի «Անգլերեն լեզու և գրականություն» մասնագիտության մագիստրատուրայի 1-ին կուրսի ուսանողուհի Գոհար Համբարձումյանը և «Նախագծերի կառավարում» մասնագիտության մագիստրատուրայի 1-ին կուրսի ուսանողուհի Նանե Օսյանը Էրազմուս+ ուսանողների փոխանակման միջազգային ծրագրի շրջանակներում 2021-2022 ուստարվա Աշնանային կիսամյակի ուսումնառությունը կշարունակեն Հռոմի Սապիենզայի համալսարանում։
Եվրասիա միջազգային համալսարանի ողջ թիմը շնորհավորում է Գոհարին և Նանեին գրանցած հաղթանակի կապակցությամբ, մաղթում հաջողություններ ուսումնառության գործընթացում և նշում, որ մենք ուշիուշով կհետևենք Եվրոպայում գրանցած նրանց հաջողություններին։
