Եվրասիա միջազգային համալսարանի Իրավագիտության ամբիոնի նախաձեռնությամբ տեղի ունեցավ շատ բովանդակալից և արդիական բաց դասախոսություն։
Մեզ հյուրընկալվել էր Արմավիրի մարզի դատախազության ավագ դատախազ, երկրորդ դասի խորհրդական Սևադա Ադամյանը։
Հանդիպման ընթացքում ուսանողներն ու ներկաները․
– Ծանոթացան իրավակիրառ պրակտիկայի արդի հիմնախնդիրներին և դրանց զարգացման միտումներին։
– Վերլուծեցին զենքի և թմրամիջոցների ապօրինի շրջանառության, ինչպես նաև զինծառայողների շրջանում նմանատիպ արարքների որակման առանձնահատկություններն ու գործնական խնդիրները:
– Քննարկեցին գործուն զղջալու հիմքով քրեական պատասխանատվությունից ազատելու դատավարական նրբությունները և դատախազական մասնագիտական էթիկայի հարցերը։
– Մասնակցեցին ակտիվ մասնագիտական երկխոսության՝ բարձրաձայնելով իրենց հուզող գործնական հարցերն ու ցուցաբերելով մեծ հետաքրքրվածություն։
– Նման հանդիպումները առանցքային նշանակություն ունեն ապագա իրավաբանների մասնագիտական մտածողության զարգացման, տեսական գիտելիքները գործնականում կիրառելու և մասնագիտական մոտիվացիայի բարձրացման համար։
