Սույն թվականի ապրիլի 17-ին ԵՄ համաֆինանսավորմամբ իրականացվող Էրազմուս+ T-GREEN նախագծի շրջանակներում մեկնարկել է «Կրթություն և հետազոտություն հանուն կայուն զարգացման․ ինստիտուցիոնալ քաղաքականություն և փորձ» խորագրով միջազգային գիտաժողովը։ Միջոցառումը նպատակ ունի խթանել բարձրագույն կրթության ոլորտում կայուն զարգացմանն ուղղված ռազմավարական մոտեցումների մշակումը և փորձի փոխանակումը։
Գիտաժողովի ընթացքում Եվրասիա միջազգային համալսարանի պրոռեկտոր, KPI4HE նախագծի Կառավարման խորհրդի անդամ Ռուբեն Մարկոսյանը ներկայացրել է նաև KPI4HE նախագիծը, դրա հիմնական ուղղությունները և իրականացված աշխատանքները՝ շեշտելով դրանց ներդաշնակությունը բուհում կայուն զարգացմանն ուղղված այլ նախաձեռնությունների հետ։
Ուշագրավ է, որ մի քանի բուհեր ներգրավված են ինչպես T-GREEN, այնպես էլ KPI4HE նախագծերում, ինչը հնարավորություն է ստեղծում նախագծերի միջև առաջացած սիներգիաների օգտագործման, համագործակցության խթանման և փորձի փոխանակման համար՝ նպաստելով բարձրագույն կրթության ոլորտում համակարգային և շարունակական բարելավումներին։
Գիտաժողովին զեկույցներով հանդես են եկել մասնակիցներ Հայաստանից, Պորտուգալիայից, Հունաստանից, Լիտվայից և Լեհաստանից։
