Նաիրա Իրիցյանը սովորում է ԵՄՀ Հյուրընկալության կառավարում մասնագիտությամբ և իր ավարտական պրակտիկան անց է կացրել Eventtoura / Էվենտտուրա կազմակերպությունում։
Կարևորելով ուսանողների պրակտիկ հմտությունների զարգացումը՝ ԵՄՀ Կառավարման և ՏՏ ամբիոնը մշտապես կազմակերպում է նաև պրակտիկաներ վճարովի հիմունքներով։ Ուսանողները իրենց ավարտական պրակտիկայի ընթացքում բացի գիտելիքներ ձեռք բերելուց, նաև հնարավորություն են ունենում իրականում աշխատել գործընկեր կազմակերպություններում և վճարվել դրա համար։
Նաիրան ԷվենտՏուրայում ծանոթացել է կազմակերպության իրականացրած այնպիսի նախագծերին, ինչպիսիք են Երևանի գինու օրերը, Երևանի գարեջրի օրերը և այլն։
Նաիրան մասնավորապես ծանոթացել է փառատոնների կազմակերպման, պլանավորման և ֆինանսավորման գործընթացին, ժամանակացույցերի կազմանն ու մշակմանը, մարքեթինգային արշավին, կազմակերպությունում իրականացվող կառավարման հիմնական մեթոդներին և այլն։ Նաիրան իր երկամսյա աշխատանքի ընթացքում մասնակցել է տվյալների հավաքագրման, հովանավորչական փաթեթների մշակման և փառատոնների պլանավորման աշխատանքներին և ձեռք է բերել ժամանակի կառավարման և թիմային աշխատանքի արժեքավոր հմտություններին։
