Ս.թ. մարտի 31-ին Եվրասիա միջազգային համալսարանի Իրավաբանական կլինիկայի նախաձեռնությամբ «Կրիմինալիստիկա» առարկայի շրջանակներում հերթական անգամ կազմակերպվեց գործնական հմտությունների զարգացմանն ուղղված առցանց դասընթաց:
Այս անգամ առցանց դասընթացի թեման էր «Հրդեհատեխնիկական փորձաքննության շրջանակներում դեպքի վայրի հետազոտության առանձնահատկությունները», որը վարեց դատական փորձագետ Վարդգես Ֆրանգյանը։
Դասի սկզբում Վ. Ֆրանգյանը հարթակի մասնակիցներին ներկայացրեց դեպքի վայրի հետազոտության էությունը, կարևորությունը, այնուհետև ցուցադրությամբ, գործնական լուսանկարների միջոցով հարթակի մասնակիցների ուշադրությունը հրավիրեց փորձագետի կողմից դեպքի վայրում հրդեհատեխնիկական փորձաքննության շրջանակներում մանրակրկիտ հետազոտման ենթակա մանրուքներին, որոնք էական նշանակություն կարող են ունենալ հրդեհի օջախային հատվածի որոշման համար, ինչպես նաև պարզել հրդեհի առաջացման պատճառը և մեխանիզը, որը էական նշանակություն կունենա վարույթն իրականացնող մարմնի կողմից հնարավոր հանցագործության բացահայտման գործում։
Բանախոսը հանգամանալից խոսեց նաև հրդեհի վայրի հետազոտության ժամանակ իրեղեն ապացույցների հայտնաբերման և առգրավման, ինչպես նաև վերջիններիս ճիշտ փաթեթավորման կարևորության մասին:
Առցանց դասընթացի շրջանակներում մասնակիցները փորձագետին ուղղեցին հարցեր:
Հավելենք, որ հանդիմանը ներկա էին ԵՄՀ և այլ բուհերի բարձր կուրսերի ուսանողներ, թեմայով հետաքրքրված անձիք:
