Ուրախությամբ տեղեկացնում ենք, որ Հայաստանից մեկ Jean Monnet մոդուլ երաշխավորվել է ֆինանսավորման Էրազմուս+ ծրագրի 2026 թվականի նախագծերի ընտրության շրջանակում։
EU-IMPACT – “EU and Its Eastern Neighbourhood: Integration Models, Policy Alignment and Contested Transformations” նախագիծը կիրականացվի Եվրասիա միջազգային համալսարան/Eurasia International University -ի կողմից։
Նախագիծը նպատակ ունի զարգացնել ԵՄ ուսումնասիրությունները՝ համադրելով ուսուցումը, հետազոտությունն ու հանրային ներգրավվածությունը։ Այն կուսումնասիրի, թե ինչպես են ԵՄ արտաքին հարաբերությունների իրավունքն ու քաղաքականությունն ազդում Արևելյան գործընկերության երկրների ինտեգրման գործընթացների, կառավարման բարեփոխումների և փոխակերպումների վրա՝ առանձնահատուկ ուշադրություն դարձնելով ԵՄ–Հայաստան հարաբերություններին։
Նախագծի շրջանակում նախատեսվում է հայ և միջազգային ուսանողների ու մասնագետների համար կրթական հնարավորությունների ստեղծում, գործնական և կիրառական գիտելիքների զարգացում, ակադեմիական համայնքի և քաղաքականություն մշակողների միջև երկխոսության խթանում, ինչպես նաև ԵՄ–Հայաստան հարաբերությունների և ինտեգրման տարբեր ուղիների վերաբերյալ կիրառական հետազոտությունների իրականացում։
Շնորհավորում ենք Եվրասիա միջազգային համալսարանին այս կարևոր ձեռքբերման կապակցությամբ և մաղթում հաջողություն EU-IMPACT նախագծի իրականացման գործում։
