Եվրասիա միջազգային համալսարանը հպարտանում է իր ուսանողներով, ովքեր դրսևորվում են ոչ միայն ակադեմիական, այլև մշակութային ու ստեղծագործական ոլորտներում՝ տեղական և միջազգային հարթակներում։
Հայարփի Ֆահրադյանը, ով մասնակցում է Էրազմուս+ շարժունության ծրագրին և ներկայումս սովորում է Չեխիայի Մասարիկի համալսարանի Ինֆորմատիկայի ֆակուլտետում, ակտիվ ներգրավվածություն է ցուցաբերում նաև համալսարանի կազմակերպած միջոցառումներին։
Նա վերջերս մասնակցել է ուսանողական ֆիլմերի 25-րդ փառատոնին, որն անցկացվել է «Rozbij to!» խորագրի ներքո։ Այն ամենամյա կինոփառատոն է, որտեղ տեխնոլոգիան և արվեստը միահյուսվում են ստեղծագործական ձևով՝ շեշտադրելով ուսանողների գաղափարները, պատմություններն ու նորարար մտածողությունը։
Հայարփին ընդգրկված է եղել վիդեո թիմում, որի պատասխանատվության ներքո ստեղծվել է փառատոնի օրերի և հետփառատոնյան ֆոտո/վիդեո բովանդակությունը։
