Եվրասիայի միջազգային համալսարանը ընդլայնել է իր համագործակցության աշխարհագրությունը գիտակրթական ասպարեզում:
Այս ուսումնական տարում միջազգային համագործակցության ցանկը համալրվեց Ռուսաստանի Դաշնության առաջատար բուհերից մեկով: Այսուհետ ԵՄՀ-ն գիտահետազոտական և փոխանակման ծրագրեր կիրականացնի Պերմի պետական ազգային հետազոտական համալսարանի հետ:
Փոխադարձ համագործակցության արդյունքում Եվրասիայի միջազգային համալսարանը կհյուրընկալի, ինչպես նաև կառաջադրի ուսանողների՝ մեկ կամ երկու կիսամյակ ուսումնառելու Պերմի պետական ազգային հետազոտական համալսարանում:
Այս համագործակցությունը ևս մեկ լավ հնարավորություն է ԵՄՀ ուսանողների համար՝ զարգացնելու իրենց մասնագիտական և ընդհանրական գիտելիքներն ու հմտությունները:
