Եվրասիա միջազգային համալսարանը (ԵՄՀ) սովորողների մոտ դեղագիտության մասնագիտության նկատմամբ սեր արթնացնելու և հետաքրքրվածությունը բարձրացնելու համար նախաձեռնել էր այդ ուղղվածությամբ էսսեների մրցույթ, որի ամփոփիչ միջոցառումը կայացավ օրերս: Ութ քոլեջներից 34 մասնակիցներ ի ցույց դրեցին իրենց ստեղծագործական ունակությունները:
Արդյունքում Կոտայքի տարածաշրջանային պետական քոլեջի ուսանող Նունե Մովսիսյանը և Երևանի «Գրիգորիս» բժշկա-հումանիտար քոլեջի ուսանող Աննա Գևորգյան արժանացան 2-րդ պատվավոր տեղին՝ ստանալով 50.000 դրամ մրցանակ, իսկ Գյումրու պետական բժշկական քոլեջի ուսանող Մարիամ Հակոբյանը, Երևանի «Գրիգորիս» բժշկա-հումանիտար քոլեջի ուսանող Լիլիա Խաչատրյանը և Երևանի հենակետային բժշկական քոլեջի ուսանող Նարե Պողոսյանը արժանացան 3-րդ մրցանակյին տեղին՝ ստանալով 30.000 դրամ պարգև, իսկ տարբեր քոլերների 9-ը ուսանողներ ստացան խրախուսական մրցանակ, ինչպես նաև մրցույթի 34 մասնակիցներին բուհը տրամադրեց առաջին ուսումնական տարվա համար 25% զեղչ և մասնակցության հավաստագիր:
Միջոցառման հատուկ հյուրերն էին Վարդենիսի բժշկա-հումանիտար և Գավառի պետական բժշկական քոլեջների փոխտնօրենները, ուսանողներն ու դասախոսները:
Թեմատիկ ելույթներով հանդես եկան ԵՄՀ «Ֆարմացիա» ամբիոնի դասախոսներն ու ուսանողները, հյուրերը նաև մեծ հետաքրքրությամբ մասնակցեցին ամբիոնի կողմից կազմակերպված թունաբանական և եթերային յուղերի ստացման փորձերին:
