Պաշտպանություններին մասնակցել են ԵՄՀ «Ֆարմացիա», «Կառավարում/ըստ ոլորտի», «Ֆինանսներ/ըստ ոլորտի», «Լրագրություն», «Անգլերեն և գրականություն», «Տարրական մանկավարժություն և մեթոդիկա» մասնագիտությունների ավարտական կուրսերի ուսանողները՝ ներկայացնելով իրենց հետազոտական, վերլուծական և մասնագիտական աշխատանքները։ Ներկայացված թեմաները առանձնացել են արդիականությամբ, տեսական և գործնական հիմնավորվածությամբ, ինչպես նաև մասնագիտական խնդիրների ուսումնասիրման համապարփակ մոտեցումներով։
Ուսանողական հարցերի գրասենյակի ղեկավար Սիրարփի Դավթյանը նշում է, որ շրջանավարտները դրսևորել են մասնագիտական պատրաստվածություն, հետազոտական հմտություններ, ինքնուրույն վերլուծություն իրականացնելու կարողություն և ակադեմիական խոսքի մշակույթ։
Հանձնաժողովների անդամների կողմից բարձր են գնահատվել աշխատանքների բովանդակային որակն ու ներկայացման հմտությունները։
Առջևում «Իրավագիտություն» և «Տեղեկատվական համակարգեր» մասնագիտությունների ավարտական աշխատանքների պաշտպանություններն են:
