Եվրասիա միջազգային համալսարանում հաջողությամբ անցկացվեց վերապատրաստման դասընթաց «Միջազգայնացում և միջազգային հաղորդակցության ներածություն» թեմայով, որը դասախոսեց ԵՄՀ միջազգային կապերի կենտրոնի ղեկավար Արծրուն Պիվազյանը:
Վերապատրաստումը կազմակերպվել էր Երևանի և մարզերի շուրջ 12 տարբեր քոլեջների ներկայացուցիչների համար։
Դասընթացի նպատակն էր ամրապնդել մասնակիցների պատկերացումը միջազգային հաղորդակցության հիմնական սկզբունքների, միջազգայնացման գործընթացների և դրանց ազդեցության մասին կրթական հաստատությունների աշխատանքում։
Վերապատրաստման ընթացքում մասնակիցները ծանոթացան արդյունավետ հաղորդակցման մշակույթին, բազմալեզու միջավայրում աշխատելու մեթոդներին, ինչպես նաև միջազգային համագործակցության շրջանակներում կիրառվող գործիքներին։
Եվրասիա միջազգային համալսարանը հանդես եկավ որպես կարևոր հարթակ՝ կրթական կազմակերպությունների միջև փորձի փոխանակման և համագործակցության զարգացման համար։
