Եվրասիա միջազգային համալսարանը, շարունակելով բազմակողմանի ձևաչափով խորացնել համագործակցությունը քոլեջների հետ, վերակնքեց հերթական պայմանագիրը՝ այս անգամ Երևանի պետական հումանիտար քոլեջի հետ:
Պայմանագիրը կնքելուց հետո կողմերը քննարկեցին մասնագիտական կրթության արդյունավետության բարձրացմանն ու նորարար ծրագրերի ներդրմանն ուղղված հարցեր:
ԵՄՀ ռեկտոր Սուրեն Օհանյանը նշեց, որ պայմանագրի կնքմամբ համալսարանը կշարունակի մասնագիտական առանձնահատկություններին համապատասխան քոլեջի սովորողների գիտելիքների ու հմտությունների զարգացումը, վերջիններիս համար տարաբնույթ միջոցառումների կազմակերպումը: Մասնավորապես, ռեկտորի առաջարկով քոլեջի սաները համալսարանում կմասնակցեն բաց դասերին, վարպետության դասերին, տարաբնույթ այլ միջոցառումների:
Իր խոսքում քոլեջի տնօրեն Սերգեյ Սարգսյանը կարևորեց համալսարանի կողմից քոլեջի սովորողներին մասնագիտական աջակցության տրամադրումը և համոզմունք հայտնեց, որ ուսումնական հաստատությունների համագործակցության ակտիվացումը և պատրաստակամությունը թույլ կտա հասնել կոնկրետ նախագծերի իրականացմանը։
