Եվրասիա միջազգային համալսարանը և Երևանի մշակույթի պետական քոլեջը կնքեցին համագործակցության պայմանագիր՝ քոլեջի սաների մասնագիտական կողմնորոշման և կարիերայի պլանավորման գործընթացների արդյունավետության բարձրացմանը միտված ընդհանուր ծրագրերի և նախագծերի իրականացմանն աջակցելու վերաբերյալ:
«Այս համագործակցության շնորհիվ մենք հնարավորություն կունենանք դեռևս ուսման ժամանակահատվածում քոլեջի սաներին փոխանցելու այն գիտելիքներն ու հմտությունները, որոնք նրանք կօգտագործեն ակադեմիական կրթություն անցում կատարելիս»,- հեռահար համագործակցության արդունքում համոզմունք հայտնեց ԵՄՀ ռեկտոր, աշխ.գիտ.դոկտոր, պրոֆեսոր Սուրեն Օհանյանը:
«Այս համագործակցությունը հնարավորություն կտա լուծել մեր սովորողների մասնագիտական կողմնորոշման խնդիրները, ինչպես նաև՝ ձեռք բերել հետագայում կարիերայի աստիճաններով բարձրանալուն ուղղված անհրաժեշտ գիտելիքներ»,- բարձր գնահատելով ԵՄՀ պատրաստակամությունը՝ նշեց քոլեջի տնօրեն Վրեժ Կիրակոսյանը:
