Ս.թ. հունիսի 29-ին տեղի ունեցավ Եվրասիա միջազգային համալսարանի Գիտական խորհրդի նիստը, որը վարում էր խորհրդի նախագահ, աշխ. գիտ. դոկտոր, պրոֆեսոր Սուրեն Օհանյանը:
Խորհուրդն անդրադարձավ օրակարգում ներառված հարցերին: Մասնավորապես, նիստի անդամները միաձայն կողմ քվեարկությամբ հաստատեցին 2021-2022 ուստարվա համալսարանի ընդունելության առաջին փուլի՝ բակալավրի և մագիստրատուրայի ընդունելության քնությունների և հարցազրույցների առարկայական հանձնաժողովների կազմը:
Հաջորդիվ, մասնագիտական ամբիոնների վարիչները ամփոփեցին 2020-2021 ուսումնական տարվա ավարտական աշխատանքների և մագիստրոսական թեզերի պաշտպանության արդյունքները: ԵՄՀ Ուսումնամեթոդական աշխատանքների գծով պրոռեկտոր Իրինա Բաբայանը փաստեց, որ 2020-2021-ի ավարտական ամփոփիչ ատեստավորումն անցավ նախարարության գործող կարգին համապատասխան: Նիստին քննարկվեց և հաստատվեց ավարտական ամփոփիչ ատեստավորման հանձնաժողովի նախագահների հաշվետվությունները: Արդյունքում որոշվեց առավել մեծացնել գործատուների կողմից առաջարկվող ավարտական աշխատանքների թեմաների քանակը ՝ հասնելով լրիվ նոր ձևաչափով աշխատանքների կատարման:
Եվրասիա վարժարանի փոխտնօրեն Գոհար Մելիքբեկյանը ամփոփ ներկայացրեց նախաբուհական ծրագրի 2020-2021 ուսումնական տարվա արդյունքները: Վերջինս խոսեց հեղինակային ծրագրի շրջանակներում հավակնոտների մասին, որոնք հանձնել էին նախաբուհական քննությունները և, համաձայն արդյունքների, անցել են ընդունելության համար սահմանված շեմը:
ԵՄՀ ընդունող հանձնաժողովի քարտուղար Սիրարփի Դավթյանը ներկայացրեց վիճակագրական ցուցանիշներ դիմորդների ընդունելության ընթացքի վերաբերյալ, անցկացրեց համեմատական վերլուծություն նախորդ տարվա նույն ժամանակաշրջանի միջև: Հասարակայնության հետ կապերի և գովազդի բաժնի ղեկավար Էդգար Ամիրխանյանը հավելեց, որ ակտիվորեն իրականցվում է գովազդային արշավը, և նկատվում է ակտիվություն հետաքրքրվողների շրջանում։
Գիտխորհրդի անդամները քննարկեցին ուսումնառության գործընթացին առընչվող խնդիրները, կայացրին որոշումներ դրանց հաղթահարման ուղիների շուրջ:
