Օրերս Եվրասիա միջազգային համալսարանի ներկայացուցիչները մասնակցեցին Իսպանիայի Սևիլիայի համալսարանում կազմակերպված միջազգային շաբաթին, որը համախմբել էր տարբեր երկրների բարձրագույն ուսումնական հաստատությունների ներկայացուցիչների՝ փորձի փոխանակման, նոր համագործակցությունների ձևավորման և միջազգայնացման գործընթացների զարգացման նպատակով։
Եվրասիա միջազգային համալսարանից ծրագրին մասնակցեցին PR և մարքեթինգի մասնագետ Ինեսսա Մայիլյանը և ֆինանսական բաժնի աշխատակից Մարինե Նալթակյանը։
Միջազգային շաբաթվա շրջանակում մասնակիցները ծանոթացան Սևիլիայի համալսարանի միջազգային գործունեության առաջնահերթություններին, ակադեմիական և վարչական շարժունության ծրագրերին, ինչպես նաև կրթության և կառավարման ոլորտներում կիրառվող ժամանակակից մոտեցումներին։ Հանդիպումների և մասնագիտական քննարկումների ընթացքում անդրադարձ կատարվեց համալսարանների միջազգայնացման ռազմավարություններին, միջբուհական համագործակցության ընդլայնման հնարավորություններին, ինչպես նաև եվրոպական կրթական ծրագրերի շրջանակում նոր նախաձեռնությունների իրականացման հեռանկարներին։
Ծրագիրը հնարավորություն ընձեռեց ծանոթանալու հյուրընկալող համալսարանի փորձին, լավագույն գործելակերպերին և հաստատելու նոր մասնագիտական կապեր միջազգային գործընկերների հետ՝ նպաստելով հետագա համագործակցության ու փորձի փոխանակման զարգացմանը։
