Հաջողությամբ ավարտվեց «ԵՄ-ն և իր արևելյան հարևանները. իրավունք, քաղաքականություն և պետական կառավարում» խորագրով Ժան Մոնե դասընթացը: Այս կրթական նախաձեռնությունը հանդիսանում է Եվրոպական միության կողմից ֆինանսավորվող «ԵՄ իրավական հետազոտությունների և իրավական եվրոպականացման» Ժան Մոնեի ամբիոնի (2022-2025 թթ.) շարունակությունը:
Ծրագրի հիմնական փուլերը.
Առցանց դասընթացներ (2025 թ. հոկտեմբեր – 2026 թ. հունվար). ԵՄ անդամ երկրների և հարևան պետությունների 12 տաղանդավոր երիտասարդ մասնագետներ խորությամբ ուսումնասիրել են ԵՄ-Արևելյան գործընկերություն հարաբերությունները : Հատուկ ուշադրություն է դարձվել իրավական մոտարկման և ԵՄ աջակցությամբ իրականացվող համակարգային բարեփոխումների խնդիրներին:
Փորձագիտական դասախոսություններ. Դասընթացի շրջանակներում հանդես են եկել հրավիրյալ անվանի փորձագետներ, այդ թվում՝ դոկտոր Դավիթ Բուջիաշվիլին, դոկտոր Լուիզ Ամորիսը և դոկտոր Վալենտինա Գևորգյանը:
Ուսումնական այց Հայաստան (2026 թ. փետրվարի 16-20). 8 մասնակիցներ այցելել են Երևան՝ մասնակցելու բարձր մակարդակի հանդիպումների:
Հանդիպումներ և քննարկումներ. Այցի շրջանակներում մասնակիցները մասնագիտական քննարկումներ են ունեցել ՀՀ ԱԺ Եվրոպական ինտեգրման հարցերի մշտական հանձնաժողովի նախագահ Արման Եղոյանի, Հայաստանում ԵՄ պատվիրակության ղեկավար, դեսպան Վասիլիս Մարագոսի, դիվանագիտական կորպուսի և քաղաքացիական հասարակության առաջնորդների հետ:
Ակադեմիական համագործակցություն. Ծրագիրը միավորել էր ներկայացուցիչների այնպիսի հեղինակավոր հաստատություններից, ինչպիսիք են Տարտուի, Գլազգոյի, Լյուբլյանայի, Լեյդենի և Սենթ Էնդրյուսի համալսարանները:
